Пелистер убедливо поразен во Полска

Фудбалерите на Пелистер се пред елиминација уште во првото квалификациско коло за Лига Европа.

Битолскиот клуб беше поразен на синоќешното гостување во Познањ од екипата на Лех со убедливи 4:0 полувреме 3:0.

Серијата на голови ја отвори Ники Биле Нилсен од пенал (28.минута), а десет минути подоцна Марио Ситум го постигна својот прв, а втор гол за Лех. Веќе во 38.минута беше 3:0 со погодокот на Радослав Мајевски.

И во вториот дел домаќините беа оние кои ја контролираа играта, па во 57.минута со вториот гол на Марио Ситум полскиот тим стигна до убедливи 4:0.

Реванш натпреварот ќе се игра во Струмица, следниот четврток на 6 јули.