Владата ќе го разгледува ребалансот на буџетот

Владата денес ќе ја одржи тринаесеттата седница на која на дневен ред ќе биде предлогот за изменување и дополнување на буџетот на Република Македонија за 2017 година.

„Согласно предложениот дневен ред Владата ќе расправа по предлогот за изменување и дополнување на буџетот на Република Македонија за 2017 година и предлог Законот за дополнување на Законот за извршување на буџетот“, стои во соопштението на Владата.

На седницата, како што се додава, ќе биде разгледана и информацијата за мерките коишто се однесуваат на одржливите енергетски системи кои произлегуваат од повелбата за одржливост.

Министерот за финансии, Драган Тевдовски пред десетина дена најави дека ребалансот на буџетот ќе се најде пред пратениците во законодавниот дом пред тие да заминат на летен одмор.