Сервер: Москва никогаш нема да се откаже од Црна Гора

Независно од се, Москва никогаш нема да се отаже од Црна Гора, тврди професорот од американскиот Универзитет „Џон Хопкинс“ и експерт за Балканот, Даниел Сервер за црногорскиот весник „Побједа“.

– Руските понуди се евтини и понекогаш многу ефикасни. Москва на Подгорица и на другите главни градови им даде добри причини да бидат поприврзани кон НАТО отколку кон Русија, која впреочем е регионална сила со моќ што се намалува. Русија може на регионот да му предложи само дестабилизација, истакна Сервер.

Американскиот потпретседател Мајкл Пенс за време на неодамнешната посета на Подгорица апелираше опозицијата да се врати во Парламентот, што за Сервер очекувано.

– Американците секогаш ќе бидат против бојкот на Парламентот, бидејќи тоа е контропродуктивно. Опозицијата е важна во демократијата, но неопходно е да се изрази внатре во институциите, а не надвор од нив, истакна Сервер.