Министерство за финансии објави граѓански буџет за да биде разбирлив за граѓаните

Министерство за финанасии на нивната веб-страница објави граѓански буџет со цел на неекспертската јавност, на разбирлив начин да и се претстават клучните информации од буџетот на државата, информираат од таму.

Тој не претставува замена за деталниот буџет и е една од алатките со кои Министерството за финансии ја отвора транспарентноста и отчетноста на јавните финансии.

„Граѓанскиот буџет се базира на податоците од ребалансот на буџетот што беше усвоен од Собранието во август. Нашата намера е преку зголемување на информираноста на јавноста да влијаеме на посилно вклучување на граѓаните во креирање на владините програми и политики“, вели министерот за финансии, Драган Тевдовски.

Следниот граѓански буџет ќе биде објавен со предлог-буџетот за 2018 година.