Лесен ден за фаворитите на УС Опен

Двајцата најголеми фаворити на последниот Грен слем турнир УС Опен, Рафаел Надал и Роџер Федерер немаа поголеми проблеми да го минат третото коло.

Светскиот рекет број еден Рафеал Надал иако го загуби првиот сет Леонардо Маер со 6-7, сепак во следните три не дозволи изненадување па истите ги реши во своја полза со 6-3, 6-1, 6-4, за конени 3:1 во сетови. Надал во следната рунда ќе игра против Александар Долгополов од Украина, кој претходно го елиминира Троицки.

3.носител Роџер Федерер беше уште посигурен, па дуелот против Фелисијано Лопез, го доби со 3:0 (6-3, 6-3, 7-5). Во 4.коло Швајцарецот ќе игра со германскиот тенисер Филип Колшрајбер кој го совлада Џон Милман.

Кај дамите, пласман во следната рунда обезбедија 1.носителка Плишкова од Чешка, како и нејзината сонародничка Квитова (13.носителка) која за место во осминафиналето ќе игра против 3-та фаворитка Мугуруза од Шпанија. Во третата рунда (4.носителка) Свитолина од Украина ќе игра против Американката, Мелиса Кејс, а на „Флешинг Медоу“ и натаму ќе настапува и миленичката на домашната публика (9) Венус Вилијамс.