Хрватскиот суд ја одобри екстрадицијата на Исмаил Морина

Врховниот суд на Хрватска ја потврди првостепената пресуда на судот во Дубровник, со што е утврдено дека се исполнети сите услови за екстрадирање на Исмаил Морина во Србија. Неговиот адвокат веднаш поднел нова жалба за одлуката.

Конечната одлука за случајот треба да ја донесе хрватскиот министер за правда.

Српски власти побараа екстрадицијата, бидејќи во 2014 година Морина пуштил дрон со знамето на Голема Албанија на натпревар на националните тимови на Албанија и Србија во Белград.

Србија го обвинува Морина за „предизвикување на религиозна, расна и национална омраза“.

Морина беше уапсен во Хрватска во јуни по барање на српските власти.