Тренерот на Милан, Винченцо Монтела, доби ултиматум од раководството на клубот, да победи на следните два дерби натпревара за да ја задржи својата функција.

Раководството на Милан е многу разочарано од поразите од Лацио (4:1) и Сампдорија (2:0), а медиумите во Италија пишуваат дека се поизвесна е смената на Монтела.

Сепак „авиончето“ ќе добие шанса да се докаже, но мора по секоја цена да се освојат шест бода од дуелите со Рома на 1 октомври и Интер на 15 октомври.

Дури и самиот Монтела не го криеше разочарувањето од својот тим по поразот во Џенова.

– Критиките кон нас се целосно заслужени. Факт е дека игравме многу слабо. Мојата задача е да испитам зошто е тоа така и да не дозволуваме тоа да се повтори. Имав разговор со раководството. Треба да изградиме менталитет на победници и да го постигнеме потребниот баланс, рече Монтела.

Милан е на 6. место во Серија А со 12 поени, далеку од амбициите за највисок пласман со кои ја почна сезоната.



Автор: Администратор
Објавено на: 26/09/2017 11:24