БИХ немаат намера да го признаат Косово

БИХ нема да ја признаат независноста на Косово ниту, пак, ќе го разгледуваат ова прашање до крајот на мандатот на актуелниот Совет на министри, односно владата, порача денеска босанскиот министер за надворешни работи, Игор Црнадак, откако косовскиот премиер Рамуш Харадинај повика БИХ да го признаат Косово.

Причината е несогласувањето на Република Српска, која е еден од двата федеративни дела на БИХ.

– Босна и Херцеговина нема да го признаат Косово, не поради ставот на Босанците или Хрватите, туку поради ставот на претставници на Република Српска, како од власта така и од опозицијата. Во врска со ова прашање, ние сите сме единствени и нема никакви шанси оваа состојба да се смени – изјави Црнадак, кој е еден од српските претставници во босанската влада.