Возач влетал на Кнез Михајлова во Белград, повредени две лица

Две лица се повредени откако утрово возач намерно се залетал со автомобилот во пешачката зона на Кнез Михајлова во Белград.

Како што соопштија властите, две лица се повредени и избегната е поголема трагедија. Повредени се возачот на возилото „Форд караван“ и вработена во локалот, на која што автомобилот ѝ поминал преку ногата.

Таа била пренесена и ѝ била укажана лекарска помош во Ургентниот центар, по што ја вратиле на местото на инцидентот за да даде изјава, за после повторно да ја однесат во Ургентен.

– Мажот изгубил контрола над воланот и удрил во девојка која во тој момент се нашла на улицата, а повреден е и возачот. И двајцата се превезени во Ургентиот центар, рекоа од Итната помош.

Според српските медиуми, возачот на автомобилот бил во алкохолизирана состојба и му биле измерени 1,3 промили алкохол во крвта.

Неофицијално, тој намерно влегол на пешачката зона, но удрил во столб пред да предизвика уште поголема материјална штета и да повреди други лица.

Очевидци кажуваат дека претходно возачот бил тепан и малтретиран од страна на пет лица и дека на пешачката патека се упатил со цел да ги прегази нив.