Лавров: Врз Србија се вршат притисоци како врз Украина во 2004 година

Западното мешање во внатрешните работи на Србија претставува продолжување на американскиот притисок врз Белград за да направи избор за соработката меѓу Русија и Европската Унија, изјави денеска рускиот министер за надворешни работи Сергеј Лавров.

Според него, сето ова потсетува на 2004 година кога од ЕУ доаѓале слични изјави, додека во Украина се спроведуваше „потокаловата револуција“. – Тогаш на Украина и беше порачано дека мора да направи избор меѓу Русија и Европа, изјави Лавров.

– Неодамна Србија ја посети заменик државниот секретар на САД Брајан Хојт Ји, кој рече дека Белград мора да направи избор – или ЕУ или Русија, како да е невозможно да имате пријателски односи и со едната и со другата страна, како и дека Америка апсолутно го поддржува европскиот избор на Србија. Зарем тоа не е мешање во внатрешните работи на една земја, праша Лавров.

Ји за време на неодамнешната посета на Белград изјави дека земјите кои сакаат членство во ЕУ мора јасно да покажат дека „не можат да седат на две столчиња“.