Грција ќе ги укинува пунктовите за наплата на патарина

Грчкиот министер за транспорт Христос Спирцис најави дека до крајот на годината ќе почне воведување на новиот систем на наплата на патарини, при што ќе се укинат наплатните пунктови.

Според планот, патниците ќе ја плаќаат патарината преку мобилен телефон или специјални апарати, а износот што ќе се плаќа ќе зависи од поминатата километража.

Првично, системот ќе се воведе на автопатот Егнација во правец исток – запад, а потоа ќе се воведува и на другите патишта.