Конте: Мората е најважниот играч на Челзи

Антонио Конте, менаџерот на Челзи, пред натпреварот со Ливерпул на „Енфилд роуд“ изјави дека тоа би можело да биде и најважниот натпревар во сезоната.

Италијанскиот стручњак изјави дека и Алваро Мората има многу важна улога во екипата.

Мората досега постигна осум гола во Премиер лигата, а пред него на листата на стрелците е само Мохамед Салах, некогашниот фудбалер на Челзи, а сега напаѓач на Ливерпул, со девет постигнати голови од почетокот на сезоната.

„Мората е многу важен играч, можеби и најважен. Нашиот систем на игра е таков што напаѓачот ни е најважниот играч во тимот. Тој создава шанси и е дел од секоја можност за гол, некогаш ќе погоди, некогаш асистира, тоа е она што го барам од него“, изјави менаџерот на Челзи.

„Во Премиер лигата не е лесно да се изведе тоа целиот тим да игра за напаѓачот. Тоа е ново и за Мората, со оглед на тоа дека играше во Италија и во Шпанија, но покажа посветеност и интелигенција на теренот и одлично се вклопи во тимот“, додаде Конте.

Челзи е трет на табелата со 25 бода, еден повеќе од второпласираниот Манчестер јунајтед.

Ливерпул по 12 одиграни кола, се наоѓа на петтата позиција со 22 бода.

Дуелот од 13-тото коло на Премиер лигата меѓу Ливерпул и Челзи на програмата е денес, од 18 часот и 30 минути.