Харадинај: Косово подготвено да ги прими повратниците од војната во Сирија

Косовскиот премиер Рамуш Харадинај изјави дека не смее да се дозволи младите луѓе да бидат дел од идеологијата која води до тероризам и дека Косово е подготвено да ги прифати сите повратници од војната во Сирија.

– Косово е дефинирано како татковина на сите граѓани, без разлика дали се Албанци или од немнозинското население. Исламот на Косово никогаш не беше закана. И Косово мора да каже „Не за екстремизмот“, рече Харадинај за време на претставувањето на извештајот на УНДП, кој опфаќа интервјуа со борците повратници од војната во Сирија, како и со нивните семејства.