Лазар Котуровиќ го фати Светиот крст во Струмица

Светиот крст што денеска по повод големиот христијански празник Богојавлјение Водици беше фрлен во базенот „Аквариус“ во Струмица, прв го фати Лазар Котуровиќ.

На Котуровиќ ова му е шести пат како прв стигнува до крстот во осветените води.

- Како и секоја година и оваа очекувам здравје за себе и моите најблиски. Ние по крстот се фрламе за здравје, за ништо друго, рече Котуровиќ.

На чинот на фрлањето на крстот во Струмица присуствуваа голем број граѓани, а на најсреќниот меѓу најхрабрите му беа врачени подароци од градоначалникот Коста Јаневски и останатите спонзори на настанот.