Почнува тестирање на вакцината против рак на луѓе

Револуционерна вакцина против рак, која напаѓа тумори низ целото тело влегува во фаза на тестирање врз луѓе, а научници од универзитетот Стенфорд тврдат дека само една инјекција поттикнува имунолошка реакција на организмот и се напаѓаат сите тумори кои евентуално метастазирале.

Иако терапијата се нарекува „вакцина против рак“, разликата во однос на другите класични вакцини е што таа се аплицира на луѓе кои веќе се болни.

Планирано е лекот да се тестира врз 15 доброволни пациенти кои боледуваат од лимфоми.