Општина Гостивар конечно доби буџет

Советот на општина Гостивар по неколку одложувања, го изгласа буџетот за 2018 во продолжението на третата седница, со поддршка од мнозинството на членовите.

Со новоизгласаниот буџет се прифатени измените и скратувањата на ставки за времени вработувања и трошоци.

Градоначалникот Таравари нагласува дека овие скратувања се побарани од страна на Комисијата за финансирање, но и дека би можеле да предизвикаат финансиски проблеми во функционирањето на некои институции.

Буџетот на општина Гостивар беше доста проблематичен во изминатиот период и ако истиот не беше донесен на денешната седница, постоеја можности за распуштање на Советот и распишување на нови избори за членови на истиот.