Преку видео пораки ќе се крева свеста за аерозагадувањето

Шест информативни видеа изработи Центарот за истражување и информирање за животната средина „Еко свест“ со цел да ја подигне јавната свест за загадувањето на воздухот како проблем на којшто треба да се работи преку цела година.

- Во последниве неколку години загадувањето на воздухот ширум градовите во Републикава се наметна како проблем кој е сложен и за чие решавање е потребно инволвирање на сите засегнати сектори и институции, меѓутоа и проблем во чие решавање треба активно да учествуваат сите граѓани. Влијанието на секојдневните навики на секој од нас врз животната средина е огромно. Начинот на кој се движиме низ градот, начинот на кој ги загреваме домовите, начинот на кој создаваме отпад и се ослободуваме од истиот имаат значително влијание врз животната средина, велат од „Еко-свест“.

Видеата се изработени со подршка од фондацијата „Хајнрих Бол“.