УХМР: Можни излевања во сливот на Лепенец
Доста влажна и нестабилна воздушна маса моментално се наоѓа над сливното подрачје на реката Лепенец, посочуваат најновите синоптички прогнози и согледувањата од радарските слики, соопшти УХМР.
Во наредниот период се очекува брзо зголемување на водостојот на р.Лепенец, како и на сите суводолици во границите на неговиот речен слив.
Од УХМР предупредуваат на внимателноост и претпазливо движење покрај суводолиците и помалите реки во сливот на реката Лепенец каде се можни и спорадични локални излевања во наредниот период.
