Заев и СДСМ веќе четврт ден молчат за ангажманот на тројцата советници со скандалозно минато

Интегрален текст од прес конференција за медиуми на Димче Арсовски, Портпарол на ВМРО-ДПМНЕ

Почитувани,

Денеска четврт ден ќе потсетиме и ќе повториме дека премиерот Зоран Заев и криминалниот картел на власт не работат во интерес на граѓаните и државата, туку само за себе и бизнисите на своите блиски.

Буџетот и државните институции им служат единствено за задоволување на партиските потреби и исплата на долговите и обврските што ги презеде Зоран Заев пред да се случат изборите.

Зоран Заев и СДСМ веќе четврт ден молчат и не одговараат за ангажманот на Силвио Аврамовски, Ѓорѓи Калајџиев и Горан Стаменковски, за кои јавно обелоденивме за нивното минато и делување кое само по себе предизвикува скандал во јавноста.

Зоран Заев се уште не одговара дали Силвио Аврамовски е осуденик за вооружен инцидент во Тетово во кој пукал врз специјалните сили на Република Македонија?

Зоран Заев исто така не одговара се уште дали Ѓорѓи Калајџиев како уредник на телевизијата ВИС која што инаку е регионална телевизија во Струмица и имаше емисии со тогаш како градоначалник Зоран Заев ќе има задача да ги величи политиките на Владата во телевизијата и да биде за тоа директно платен од парите на граѓаните?

Зоран Заев исто така се уште не одговара дали шефот на човечките ресурси на Основниот Суд Скопје 1, Горан Стаменковски, кој што го напаѓаше портпаролот на судот и влегуваше исто така во директна конфронтација со Претседателот на Основниот суд Скопје 1 го советува Зоран Заев за неговите судски процеси или можеби за процесите на неговите неистомисленици и притоа е директен линк со Претседателот на Судот, Џолев?

Да потсетиме дека на платниот список на советници на Заев се и мешетари како Обрадовиќ и Башановиќ, луѓе кои што се со сериозно криминално и скандалозно минато за кое што беше запознаена јавноста низ медиумите. Да потсетиме дека овие луѓе беа поврзани со низа скандали во соседна Србија, како на пример наместени тендери во српското електростопанство, кражба на долна облека и останати скандали, а Заев сепак ги донесе да го советуваат во Владата.

Дали можеби Башановиќ и Обрадовиќ го советуваат Зоран Заев да се прелеваат вештачките езера и со тоа да се прават загуби во милионски суми или пак дали можеби го советувале Зоран Заев за брат му Вице Заев да врши транспорт и ископ во РЕК Битола преку фирмите СВ Инвест и Тотал Инжинеринг?

Во најмала рака овие луѓе треба да се повлечат уште веднаш и да се тргнат од овие функции.

Наспроти ова, Владата се обидува со смешни списоци каде што се наброени луѓе вработени со години во администрацијата на Владата, кои се инаку советници по звање во државните институции, вработени во генералниот секретаријат на Владата, референти, вработени од техничка поддршка и останати вработени во Владата, да ги прикажат како советници на поранешниот премиер Никола Груевски.

Почитувани,

Прекинете да си играте со интелигенцијата на граѓаните. Фатени сте живи во сопствените лаги и скандали и време е да ја преземете одговорноста.

Овие советници за кои што јавноста дозна за нивните квалификации и минато не можат да бидат советници на ниту еден Премиер во ниту една држава.

Заев ја урниса кредибилноста на институциите.

Зоран Заев ја потценува интелигенцијата на граѓаните. Зоран Заев си поигрува со граѓаните и ги расфрла нивните пари.

Ова лудило мора да прекине, а овој криминален картел мора веднаш да се разбие и да падне.