И Евопската Унија ја виде неспособноста на оваа власт на СДСМ и Заев

Соопштение до јавноста

Помеѓу можноста криминалниот картел неказниво да краде и владеењето на правната држава, СДСМ одбра грабеж.

Помеѓу силни и независни институции кои ќе го осудат криминалот на Зоран Заев и европските критики за енормната корупција во општеството, СДСМ го одбра принципот „едно евро за Вицето“.

Правната држава не функционира. Македонија се оддалечува од Европските вредности. Се помала е веројатноста за датум за преговори во јуни, а земји како Франција, Холандија и Данска индиректно се обвинуваат дека се непријатели кои злонамерно пишувале лажни извештаи.

Колку повеќе Македонија тоне, толку повеќе СДСМ го зајакнува политичкиот прогон на граѓаните, врши притисок врз судството за што експедитивно да ги спроведува политички монтираните процеси.

Како што државата се презадолжува, како што се засилува пропаста во економијата, така се повеќе ќе се урнисуваат Уставот и законите. Правната држава пропаѓа со срамните одлуки на судовите, а се повеќе невини граѓани ќе бидат казнувани со затвор само за да се испратат пораки на заплашување кон политичките неистомисленици.

Секогаш кога народот ќе помисли дека Владата на Заев го допрела дното, веднаш добиваме демант.

Последниот нон пејпер кој што доаѓа од ЕУ само потврдува дека поради Заев и неговата катастрофална политика Македонија се појасно ги губи европските перспективи. И Евопската Унија ја виде неспособноста на оваа власт на СДСМ и Заев. Токму во овој нон пејпер е нотирано дека реформи нема, дека напредок нема, дека економија тоне, криминал и рекет има на секој ќош, корупцијата цвета и има неформален брак помеѓу власта и нереформиораното судство каде власта на Заев ги пишува, а судот ги објавува политичките пресуди.

И Европа го гледа тоа што народот веќе го виде. Нема ни 500 евра просечна плата, нема ни 100 илјади денари плата на лекарите, нема ни 500 километри нови автопати, нема нови работни места, нема подобро здравство, образование и земјоделство. Се стагнира или пропаѓа. Единствено што цвета во државата се само криминалот и бизнисите на картелот на власт.

Тоа мора да престане што поскоро. Затоа на 2 јуни ВМРО-ДПМНЕ ќе застане на чело на сенародниот протест на кој сите оние кои и мислат добро на државата и се противат на оваа ненародна власт ќе излезат и јавно и јасно ќе кажат дека Заев и СДСМ за доброто на Република Македонија мора да заминат во историјата. Само така ќе ставиме крај на уназадувањето. Само така ќе ставиме крај на економското осиромашување. Само така ќе ставиме крај на криминалот. Само така ќе ставиме крај на распродажбата на националните и државни интереси. Само така ќе го вратиме достоинството и надежта на овој народ. Ниту една закана, ниту еден монтиран судски прогон нема да го одврати оној кој не се согласува со антимакедонската политика на Заев и екипата околу него.

Со почит, Центар за комуникации на ВМРО-ДПМНЕ