Рикардо ги задржа Фетел и Хамилтон и победи во Монако

Даниел Рикардо со Ред Бул го освои Гран При на Монако во Формула 1. Австралиецот се избори со техничкиот проблем и загубата на моќноста повеќе од половина трка, но, успеа да ги остави зад себе Себастијан Фетел (Ферари) и шампионот Луис Хамилтон (Мерцедес).

Австралиецот забележа втората победа сезонава и вкупно 7-ма во кариерата. Овој пат успеа да стигне до триумф за разлика од 2016-та година, кога исто така беше блиску до триумф, но, тогаш грешка во боксот го остави втор.

Во топ 5 се пласираа Кими Раиконен (Ферари) и Валтери Ботас (Мерцедес), а поени зедоа уште Естебан Окон, Пјер Гасли, Нико Хулкенберг, Макс Верстапен и Карлос Сајнц. На табелата Хамилтон загуби малку од предноста, откако сега има 110 поени, додека Фетел е со 96. Рикардо пак излезе трети со 72, Ботас има 68, а Раиконен 60.