Доминик Тим стигна до првото финале на „Ролан Гарос“

Австрискиот тенисер Доминик Тим за првпат се пласираше во финалето на „Ролан Гарос“, што воедно претставува најголем успех во неговата кариера.

Тим со 3:0 во сетови за два часа и 20 минути го совлада италијанскиот тенисер Марко Чекинато.

Австрискиот тенисер по поразите од Новак Ѓоковиќ во 2016 година и од Рафаел Надал во 2017 година во третиот обид годинава ја мина полуфиналаната бариера и обезбеди место во борбата за трофеј на еден од големите турнири.

Тим во финалето ќе се соочи со подобриот од вториот полуфинален дуел меѓу Рафаел Надал и Хуан Мартин дел Потро.