Надал против Тим во финалето на „Ролан Гарос“

Шпанскиот тенисер Рафаел Надал се пласираше во своето 11-то финале на „Ролан Гарос“.

Надал во полуфиналето по два часа и 17 минути игра го совлада во три сетови аргентинскиот тенисер Хуан Мартин дел Потро.

Шпанскиот тенисер полесно од очекувањата извојува убедлива победа од 3:0, односно по сетови 6:4, 6:1, 6:2.

Надал во финалето ќе соочи со австрискиот тенисер Доминик Тим, кој претходно го победи Италијанецот Марко Чекинато.