Кина најави давачки за американскиот јаглен

Кинеските власти го ставија јагленот на листата од над 600 производи на кои се очекува да воведат повисоки давачки, како одговор на американските давачки за челик и алуминиум.

Кина не увезува големо количество јаглен од САД, претпочитајќи ги поблиските австралиски јагленокопи, но во разговорите меѓу Доналд Трамп и кинеските власти јагленот беше најавуван како продукт со чие купување Кина би можела подобро да ја избалансира трговијата меѓу двете земји. Неколку бродови, натоварени со повеќе стотици илјади тони јаглен од Вирџинија, се на пат кон Кина, но кинеските трговци велат дека не можат да најдат купувачи поради очекуваните нови давачки.

Во 2017 година Кина купила 6,12 милиони тони јаглен, од кои 8,5 проценти биле купени од американски производители.