Буџетот на Косово за 2019 ќе изнесува 2,3 милијарди евра
Косовската Влада го усвои денеска нацрт-буџетот за 2019 година, кој ќе изнесува 2,3 милијарди евра, јави дописникот на МИА од Приштина.
Министерот за финансии Бедри Хамза информира, меѓу другото, дека 300 милиони евра ќе бидат издвоени за образованието, додека за здравството се предвидени 250 милиони евра.
Премиерот Рамуш Хараднај по усвојувањето на нацрт-буџетот изјави дека Владата денеска има „една добра вест за Косово“.
