Македонија и Грција „останаa“ без граница, украдени граничните маркери

Непознати лица отстраниле повеќе од 100 гранични камења на делот од границата меѓу Грција и Македонија, соопшти грчката полиција.

Полицијата од градот Флорина, на северозападот на Грција, наведе дека 105 бетонски камења, од кои некои во облик на пирамида високи 1,5 метри, а некои помали столбови во облик на цилиндар, се тргнати во ноќта меѓу четвртокот и петокот, долж 13 киломтери долга делница на границата.

За инцидентот е покрената истага, пренесе АП.

Атина и Скопје постигнаа спогодба за решавање на спорот околу името на Македонија, во јули, со кое Македонија се преименува во Република Северна Македонија, за да се разликува од грчкиот регион Македонија.