Џез фестивал вечерва во Демир Капија
Во Демир Капија вечерва ќе се одржи џез фестивал, на кој ќе бидат промовирани македонските џез изведувачи и џез музиката.
На фестивалот, кој се очекува да стане традиција, ќе настапат македонските џез изведувачи THE QUARTET, EQUINOX, KABADAYAS и FILIP STEVANOVSKI BAND.
– Институтот за наука, уметност, култура и спорт, заедно со Министерството за култура – манифестацијата „Млади европејци“ и Royal Winery Queen Maria од Демир Капија, одлучивме да организираме џез фестивал во Демир Капија, во најстарата винарија Queen Maria, рекоа тие.
За љубителите на џезот има организиран бесплатен превоз од Штип, Кавадарци и Неготино.
