Продолжува проектот на НРЦ „Моето здравје е мое право“

Здружението Национален Ромски Центар (НРЦ) го продолжува проектот за унапредување на здравјето на жените Ромки, кој е продолжение на десетгодишната работа е и се реализира под мотото „Моето здравје е мое право“.

-Целта на нашите активности е да ја зајакнеме заедницата и заедно да се застапуваме за подобрување на здравствените политики кон Ромите и вулнерабилните групи на граѓани кои поради различни бариери се соочуваат со нееднаков пристап до здравствена заштита, изјави координаторот на здравствената програма од НРЦ Себихана Скендеровска.

Во рамки на проектот, НРЦ ќе го користи методот на социјална отчетност, ќе организира фокус групи, средби со ромската заедница и генерално со граѓани од ранливи категории. Предвидено е да се вклучат и здравствените установи на локално и државно ниво, индивидуалци кои работат и креираат политики на полето на здравствената заштита.

-Правото на здравје е основно човеково право затоа треба сите да го уживаме подеднакво, додава Скендеровска.

Проектот се реализира со поддршка на Фондацијата Отворено Општество на Македонија.