Новата албанска туристичка реклама предизвикува контроверзи на интернет (видео)

Новата на туристичка кампања на албската држава предизвика одредени негативни реакции на интернет.

Со слоганот „Be taken by Albania“ (Бидете обземени од Албанија) и обраќање до холивудскиот глумец Лијам Нисон во рекламниот спот се прави намерна алузија на филмот „Taken“, која според многумина е и збунувачка.

Во филмот Нисон глуми агент на ЦИА чија ќерка е киднапирана од албански криумчари и криминалци.

Креаторите на видеото и директно му се обраќаат на Нисон, користејќи реплики од филмот, иповикувајќи го да ја посети Албанија и да биде обземен од нејзините убавини.