Кјеза сака во Јувентус, Фиорентина не го дава

Најдобриот фудбалер на Фиорентина Федерико Кјеза ги договорил личните услови за трансфер во Јувентус, иако клубот од Фиренца не планира да го пушти ова лето.

– Не сум разговарал со Фиорентина, сега размислувам само за репрезентацијата, рече репрезентативецот на Италија, пред гостувањето на „азурите“ во Грција и квалификацискиот натпревар против БиХ во Торино.

Иако пред само два дена „виолетовите“ соопштија дека Кјеза и следната сезона ќе игра за Фиорентина, медиумите во Италија пишуваат дека наводно 21-годишниот напаѓач веќе склучил договор со италијанскиот шампион за 25 милиони евра, односно пет милиони по сезона.

Кјеза игра за Фиорентина од 2016 година, а со неговите одлични игри го привлекол вниманието на големите клубови, а покрај Јуве за него се заинтересирал и Интер.