Бензема увери: Ќе бидеме во форма за почетокот на сезоната

Карим Бензема не прави големи драми од неубедливите резултати во контролните на Реал Мадрид, но сепак беше задоволен од вчерашниот триумф над Фенербахче.

Французинот запиша „хет-трик“ од 5:3 и беше избран за играч на натпреварот, по што „белите“ завршија на третото место на „Ауди Купот“ во Минхен.

– Важно беше да се победи. На крајот на краиштата, овие натпревари треба да нè подготват за сезоната и да работиме напорно, па сигурен сум дека ќе бидеме во вистинска форма. Ние сакаме секогаш да победуваме, но не е така лесно, затоа продолжуваме да имаме тешкотии и да вложуваме напор. Се приближуваме до нивото, на кое сакаме да бидеме со секој изминат натпревар и со секој следен тренинг, но сепак треба уште некое време, додаде Бензема.

Тој повтори декатимот сè уште не е таму каде што треба да биде, но и дека ова наскоро ќе се промени.