Тотенхем со два трансфер удари за денот

Тотенхем објави две нови засилувања на последниот ден од трансфер прозорецот во Англија.

„Петлите“ го промовираа играчот од средниот ред Џовани Ло Селсо од Бетис. Договорот е за едногодишен заем со задолжителна опција за откуп. Играчот ќе го носи дресот со број 18.

Иако не ги привлекоа Пауло Дибала од Јувентус и Филипе Кутињо од Барселона, Тотенхем сепак го засилија средниот ред.

Веднаш потоа тие го објавија и вториот трансфер. Се работи за 19-годишниот лев бек Рајан Сесењон, кој пристигна од Фулам. Во спротивна насока оди 22-годишниот играч од средниот ред Џош Онома. Трансферот се проценува на 25 милиони фунти.

И покрај неговата кревка возраст, Сесењон има 120 натпревари со 25 гола за Фулам.