Питер Динклиџ ја доби четвртата, рекордна „Еми“ статуетка за машка споредна улога

Питер Динклиџ постави рекорд на синоќешното 71. доделување на „Еми“ наградите. Имено, тој ја доби четвртата статуетка за најдобра машка споредна улога, што не му успеало на никој друг претходно.

Сите четири „Еми“ награди тој ги доби за една иста улога – Тајрион Ланистер во серијата „Игра на престоли“, и тоа во 2011., 2015., 2018. и сега, во 2019 година.

Во 2012. тој за истата оваа улога доби и „Златен глобус“.