Пол Дејно како негативец во новиот „Бетмен“

Продукциската куќа Ворнер брос е во преговори со глумецот Пол Дејно за улогата на негативецот Едвард Нигма (со псевдоним „Загатнувач“) во новиот „Бетмен“ филм.

Ликот претходно го глумеле Џим Кери (во „Бетмен засекогаш“, спроти Вал Килмер), Конан О’Брајан, Кори Мајкл Смит и други.

Во следниот „Бетмен“ ќе глумат Роберт Патинсон како Бетмен / Брус Вејн, Зои Кравиц како Жената мачка и Џефри Рајт. Филмот ќе го режира Мет Ривс.

Проектот е во претпродукција, а премиерата е закажана за 2021 година.