ОН: Нападот во Триполи е воено злосторство

Најмалку 10 работници, меѓу кои пет странски државјани, загинаа, а 35 се повредени во денешниот воздушен напад врз фабрика за бисквити во Триполи, соопшти претставникот на ОН за Либија Гашан Салам.

Тој ова го кажа на седница на Советот за безбедност, додавајќи дека најверојатно станува збор за воено злосторство.

Според него, најголем дел од убиените се мигранти, а две од жртвите се Либијци.

– Без разлика дали цел на нападот била фабриката или се работело за неселективен напад, тоа може да биде воено злосторство, рече Салам и ја обвини либиската Народна армија за предизвикување цивилни жртви, додавајќи дека армијата извршила повеќе од 800 напади со дронови.

Од друга страна, рече тој, Владата во Триполи извршила околу 240 напади.