Овој „сојуз“ познат помеѓу нив или ова топење на Беса во СДСМ е на штета на албанските интереси, бидејќи се дефакторизира важноста на албанските гласови, изјави денеска вицепремиерот за европски прашања Бујар Османи на прес-конференција по денешното официјализирање на коалицијата на Движењето Беса со СДСМ.
Според него, со тој сојуз се дефакторизира важноста на албанските гласови, но пред се, улогата на Охридскиот договор и бадентеровиот механизам за заштитата на албанските интереси.
"Ние денеска сме разочарани заради фактот што тие денеска не постигнаа нивна унификација заради мали лични и групни интереси и нивните одлуки уште повеќе ги дефакторизираат албанските интереси" рече Османи.