Тимур Бекмамбетов со свежа и уникатна идеја за „Барани 2“

Режисерот на филмскиот хит „Барани“ (Wanted) од 2008 година, Тимур Бекмамбетов изјави дека конечно има уникатна идеја за продолжение.

Идејата за втор дел на филмот со Анџелина Џоли и Џејмс Мекавој во главните улоги, е присутна веќе 12 години, но сега режисерот сака тоа да биде различно и поинаку направено.

Имено, тој сака „Барани 2“ да биде во „screenlife“ формат (на екран во живо). Тоа е она кога филмската приказна е прикажана во форма на екран од компјутер, лаптоп, таблет, паметен телефон, паметни очила и така натаму.

Проектот е сѐ уште во својот зародиш. Засега не се знае дали Џоли и Џејмс ќе бидат дел од него.

Инаку, следен проект на Тимур Бекмамбетов, којшто е во постпродукција е „Unfollowed” – третиот дел од хоророт „Unfriended” (Избришани од пријатели). Првите два филма се снимени токму во тој нов „екран“ формат, и тоа беше солидно прифатено од публиката.

Анџелина Џоли годинава ќе се појави во три филма – „Those Who Wish Me Dead“, „The One and Only Ivan“ и „Come Away“.

Џејмс Мекавој годинава ќе глуми во филмот „The Sandman”.