Спејс-Икс доби нови 1,9 милијарди долари
Компанијата Спејс-Икс, која е во сопственост на милијардерот Илон Маск, доби 1,9 милијарди долари нови средства, според поднесокот до американските регулатори.
Според повеќе медиуми, ова е најголемата поединечна рунда прибрани финансиски средства за Спејс-Икс досега. Така, вредноста на капиталот на оваа приватна компанија што се бави со производство на ракети и вселенски летови, по оваа трансакција ќе изнесува 46 милијарди долари.
По успешното лансирање и спојувањето на модулот Кру драгон со Меѓународната вселенска станица (МВС), Маск најави дека следниов период најголемиот приоритет на неговата компанија ќе биде изградба и развој на големи превозни средства за пат до Месечината и Марс.
