„Епл“ ќе ги претстави новите Ајфони на 13 октомври

Американскиот технолошки гигант „Епл“ денеска соопшти дека презентацијата на новиот модел на паметни телефони, iPhone 12, ќе се оддржи на 13 октомври, јави дописникот на МИА од Вашингтон.

Најаватa за настанот во компанијата беше придружена со слоганот “Hi, speed” што значи „Здраво, брзино“, и асоцира на high speed – голема брзина.

На презентацијата, „Епл“ ќе претстави четири нови смартфони. Тие ќе имат квадратни агли (слично на последниот Ајпад) и 5Г поддршка. Два од моделите се замена на iPhone 11 Pro и iPhone 11 Pro Max. Другите модели се следно поколение на базичните модели iPhone 11. Еден од двата iPhone 12 ќе биде со 4Г поддршка, а другиот со 5G.