Сопругата на Џефри Дин Морган со улога во „Живи мртовци“

Помалку познатата глумица и инаку сопруга на Џефри Дин Морган, Хилари Бартон ќе ја глуми починатата сопруга на неговиот лик во ТВ-серијата „Живи мртовци“ (Тhе Walking Dead).

Таа на Твитер објави дека ќе ја глуми Лусил – лик за кој гледачите дознале, но сѐ уште не го запознале.

„Беше прилично тешко ова да се чува во тајност… Но, задоволство ми беше да работам со @JDMorgan. Сакам да го гледам како го глуми #Ниган и мавта со својата палка. И, го сакам семејството @TheWalkingDead (‘Живи мртовци‘). Тие се дел од нашето семејство со години и јас сум многу благодарна за нивната љубезност. Ве бакнувам и гушкам, #hereslucille (’еве ја Лусил’)“, напиша Хилари.

Џефри Дин Морган веќе пет години го глуми (не)славниот Ниган – негативец кој преоѓа на „праведната страна“ на приказната.