Двата квалификациски турнири за Европското првенство во одбојка во Скопје

Македонската одбојкарска репрезентација ќе биде домаќин на двата квалификациски турнири за пласман на Европското првенство, откако Данска се повлече од организацијата на еден од турнирите и го откажа настапот поради актуелната состојба со коронавирусот.

Својот втор последователен пласман на едно европско првенство, македонската одбојкарска репрезентација ќе го бара во пресметките со Босна и Херцеговина и главниот фаворит во групата, Турција.

Пласман на завршницата ќе обезбедат првопласираните од седумте квалификациски групи, како и петте најдобро второпласирани репрезентации.

Двата квалификациски турнири во Скопје ќе се одржат во периодот од 10. до 17. јануари во салата „Борис Трајковски“, а точниот датум и саатниците за одигрување на натпреварите, дополнитено ќе бидат утврдени.