Канабисот „поддржан“ од Претставничкиот дом, се чека Сенатот

Претставничкиот дом на американскиот Конгрес усвои закон со кој првпат се дозволува употреба на канабисот.

Законот предвидува отстранување на канабисот од листата на контролирани супстанци на федерално ниво и укинување на одредени сојузни пресуди.

Противниците на новиот закон, повеќето републиканци, го оценија усвојувањето на документот како „шуплив политички гест“ и се потсмеваа со демократите кои го ставиле законот на дневен ред во момент кога илјадници Американци умираат од коронавирусот.

Законот кој е усвоен со 228 гласови „за“ и 164 „против“ треба да го одобри и Сенатот, каде мнозинство имаат републиканците, но е мала веројатноста дека тоа ќе се случи.

Канабисот иако е забранет со сојузен акт во 1970 година, американските сојузни држави можат да носат сопствени закони за употреба на таа супстанца.