Човекот гулаб во селекција на Anatolian Short Film Festival
Синоќа, на 7 Јануари, во рамките на официјалната селекција на Интренационалниот фестивал на краток филм во Турција, Anatolian Short Film Festival, беше прикажан филмот Константин Плевнеш, Човекот гулаб.
Филмот во осум минути раскажува за потресната приказна на анонимниот херој Владимир Степановиќ, за крвавата драма на распаѓањето на бивша Југославија, низ сторијата на неговата фамилија.
Инаку, Човекот гулаб, досега е селектиран на дваесеттина филмски фестивали во САД и Европа, а како куриозитет, минатиот Декември беше презентиран како претставник на европскиот истражувачки филм на фестивалот Doku Afrika, во Банги Централноафриканската Република.
