Отворена истрага против францускиот министер за правда Ерик Дипон-Морети за „конфликт на интереси”

Судска истрага насочена кон министерот за правда на Франција, Ерик Дипон-Морети поради сомневање за „незаконски судир на интереси” беше отворена денеска во Судот на правдата на Република, потврди јавното обвинителство пред (Врховниот) Касациониот суд, јави дописникот на МИА.

Министерот за правда е цел на жалби од здружението Антикор и трите синдикати на судиите кои го обвинуваат за судир на интереси поврзани со неговите поранешни активности како адвокат.

Во основата на случајот, административната истрага што министерот за правда ја спроведе преку Генералниот инспекторат за правда во октомври минатата година: станува збор за тројца судии од канцеларијата на финансиското обвинителство кои истражувале пет години против неколку големи адвокати специјализирани за кривични дела од Париз, вклучувајќи го и Ерик Дипон-Морети, со анализа на нивните детални телефонски сметки на кои ги има повикуваните броеви во контекст на прислушувањето на Никола Саркози.

Откако стана министер за правда, Ерик Дипон-Морети ја побара оваа административна истрага. Тоа беше ризик што тој го презеде, и ги наведе по неговото назначување, да имаат растечко непријателство наспроти нивниот министер кој, како адвокат, никогаш не ги поштедуваше.

Во октомври, Франсоа Молинс, јавен обвинител на Касациониот суд, излегувајќи од својата должност за тајност, зборуваше загрижено за нападите врз независноста на судството. Обвинението за земање интерес за која максималната казна е пет години затвор и 500.000 евра парична казна е особено понижувачка и недостојна за министерот за правда.

Ерик Дупонд-Морети верува дека ги следел само препораките на неговата администрација за случајот инициран од неговата претходничка, Никол Белубет. Министерот за правда Ерик Дупонд-Морети во секој случај веќе ги избра своите бранители: тоа ќе биде претседателот на Париската адвокатска комора Оливие Куси кој го разгледува овој симболичен случај и Кристоф Инграин, познат адвокат по кривично деловно право, кој добро ја познава добро магистратурата бидејќи тој е поранешен судија кој работел во Министерството за време на мандатот на Никола Саркози.