Ѓоковиќ за карантинот во АО: Сè е супер, нема за што да се жалам

Првиот светски рекет Новак Ѓоковиќ раскажа како му поминува времето во карантинот во Аделаида пред почетокот на Грен слемот Австралија опен.

– Ова е уникатно искуство. Никогаш не сум бил во таква ситуација, но генерално сè е супер, нема за што да се жалам. Многу ми е драго што дојдов во Австралија. Изминатите 15 години бев многу срдечно прифатен и одлично се забавував во Мелбурн, изјави осумкратниот шампион на турнирот.

Србинот е бранител на трофејот освоен минатата година.