Ковид секс: Германците имале подобар секс во време на пандемијата

Германците уживале во подобар секс во текот на пандемијата на коронавирусот, јави ДПА, повикувајќи се на германски истражувачи кои собрале докази во две засега, необјавени студии.

Вкупно 72 отсто од мажите и жените анкетирани од Универзитетот во Мерсебург изјавиле дека нивната врска не се влошила за време на пандемијата, додека 16 отсто рекле дека се подобрува. Само 12 отсто веруваат дека односите им се влошиле за време на пандемијата.

Кај жени со партнери, 30 отсто велат дека нивната врска е подобрена, 58 велат дека не е подобрена, а 12 отсто сметаат дека се влошила.

Меѓународната студија на Институтот за истражувања на секс при Универзитетскиот медицински центар Хамбург-Епендорф (УКЕ) излезе со слични резултати.

Половина од испитаниците не доживеале промена во нивната сексуална врска со партнерот. Од половина што забележале промена, повеќето испитаници зборувале за позитивни промени.

Учествуваа и институти во Турција, Хрватска, Португалија, Шведска, Холандија, Франција и Чешка.

Експертите забележуваат дека за време на блокадата, луѓето спиеле многу повеќе заедно и очекувале повеќе од 50 отсто од паровите да имаат подобро сексуално искуство.