Во Нигерија испорачани речиси четири милиони вакцини од АстраЗенека

Нигерија денеска прими речиси четири милиони дози вакцини од „АстраЗенека“ против Ковид-19, соопшти Министерството за здравство на социјалните мрежи.

Контингент од 3,92 милиони дози вакцини е прва испорака за најнаселената африканска земја, објави Би-Би-Си.

Нигерија сега е трета западноафриканска земја што прими вакцини против коронавирус, по соседните Гана и Брегот на Слоновата Коска, сите испорачани преку програмата Ковакс.

Ковакс е глобална иницијатива која им помага на сиромашните и помалите земји да добијат пристап до вакцини.

Националната агенција за развој на примарната здравствена заштита (НПХЦДА) вчера соопшти дека прво ќе бидат вакцинирани здравствените работници.