Украина ја повика Русија веднаш да ги стопира акциите насочени кон влошување на безбедносната ситуација во зоната на руско-украинскиот вооружен судир, да се откаже од насилството и логиката на војната и да ги исполни обврските од Договорите од Париз и од Минск.

Апелот на Украина уследи откако вчера заменик шефот на руската претседателска администрација, Дмитриј Козак вчера предупреди дека под одредени околности Русија може да биде принудена да ги штити своите граѓани во источниот дел на Украина. Тој истакна дека големи воени акции може да означат почеток на крајот на Украина како држава. Украина тврди и дека претставниците на Кремљ и медиумите ги засилуваат дезинформациите, во кои Киев се претставува како немилосреден агресор. Официјален Киев оценува дека „Москва најверојатно веќе подготвила измислен изговор како би почначла нова фаза на вооружена агресија против Украина”.



Автор: Администратор
Објавено на: 09/04/2021 10:17