Анкети: Ле Пен би била победена во вториот круг на претседателските избори во 2022 од Макрон, Бертранд или Пекресе

Претседателката на крајно десничарскиот Национален Собир во вториот круг на претседателските избори во Франција во 2022 година би била зад тројцата кандидати Макрон, Бертранд или Пекресе, но би го победила Жан-Лук Меланшон, јави дописникот на МИА.

Една година пред претседателските избори, Марин Ле Пен би била победена во вториот круг од Емануел Макрон, но и Ксавиер Бертранд или Валери Пекресе, според анкетата на Ифоп Фудуцијал-Журнал ди диманп-Суд Радио. Претседателката на Националниот собир, која веќе ја официјализираше својата кандидатура, од друга страна би била избрана за претседател на Франција наспроти кандидатот на левицата Жан-Лук Меланшон и на зелените Јаник Жадот и би била рамноправна против градоначалничката на Париз Ан Идалго.

Овие изгледи остануваат хипотетички, сепак, бидејќи, според ова истражување, во првиот круг би доминирале Марин Ле Пен (25 до 27 отсто) и Емануел Макрон (23 до 28 отсто) од намерите на гласачите во секое од единаесетте сценарија тестирани од институтот. Двајцата финалисти на претседателските избори во 2017 година, многу блиски во намерите за гласање, без оглед на конфигурацијата, ќе бидат изедначени во првиот круг во два случаи. Марин Ле Пен би била прва во седум случаи и Емануел Макрон во два случаи.

За овој прв круг, Ифоп-Фидуцијал прво ги проценува намерите за гласање на четворица можни кандидати за десницата. Ксавиер Бертранд најдобро би се справил со Валери Пекресе, Лоран Вокие и Бруно Ретајо. Така, во случај да се натпреваруваат во првиот круг соочувајќи се, со кандидатите од левицата лево, Жан-Лук Меланшон, Ан Идалго и Јаник Жадот, Ксавиер Бертранд ќе добие 16 отсто од гласовите, Валери Пекрес 11 отсто, Лоран Вокие 7 отсто и Бруно Ретајо 6 отсто.

Жан-Лук Меленшон ќе добие најдобар резултат, во опсег од 10 до 13,5 отсто од гласовите. Ифоп ги испитал испитаниците за неколку можни конфигурации, со или без заедничка кандидатура со социјалистите или зелените, така биле тестирани соодветно кандидатите Ан Идалго, Арно Монтебур, Јаник Жадот и Ерик Пиоле. Дури и во случај на заедничка кандидатура на левицата, никој од овие кандидати не надминува 10 отсто од намерите за гласање.

Во случај на втор круг против Марин Ле Пен, најдобриот резултат би го постигнал Ксавиер Бертранд кој би добил 59 отсто од гласовите наспроти 41 отсто за претседател на Националниот собир. Валери Пекрес би добила 55 отсто, еден процентен поен повеќе од Емануел Макрон, кој би собрал 54 отсто против екстремно десничарскиот кандидат. Кај левицата, Ан Идалго би бил на исто ниво со Марин Ле Пен, но Жан-Лук Меланшон би бил поразен со 40 отсто од гласовите наспроти 60 отсто додека Јаник Жадо исто така би бил совладан со 47 отсто од гласовите наспроти 53 отсто за ле Пен.