Македонските атлетичари на подготовки во Црна Гора за претстојните ЕП

Црногорскиот град Бар е тренинг кампот на десет македонски атлетичари и атлетичарки, кои се подготвуваат на Јадранското крајбрежје за претстојните европски првенства закажани за мај и јуни.

Како што соопшти денеска Македонската атлетска федерација, деветчлената експедиција во идеални услови ќе се подготвува во Црна Гора до 2 мај, а ден претходно ќе учествуваат и на традиционалниот атлетски митинг во Бар.

– Подготовките се реализираат со цел подобрување на формата на атлетичарите за претстојното Европско првенства во фрлачки дисциплини, кое ќе се одржи на 8 и 9 мај во Сплит, како и Европското екипно првенство закажано за 19 и 2о јуни во Лимасол, соопшти Федерацијата.